Mapenz Wakubwa

Baraza la Mitihani Tanzania (Necta) limetangaza matokeo ya mtihani wa Taifa wa kidato cha nne uliofanyika Novemba 2023, yakionyesha kuongezeka kwa ufaulu wa watahiniwa kwa asilimia 0.87 na ufaulu wa hisabati ukipanda kuliko masomo yote.

Mbali na kuongeza kwa kiwango cha ufaulu, ubora wa ufaulu kwa daraja la kwanza hadi la tatu nacho kimeongezeka kwa asilimia 0.47 ikilinganishwa na ilivyokuwa mwaka 2022.

Akitangaza matokeo hayo leo jijini Dar es Salaam, Katibu Mtendaji wa Necta Dk Said Mohamed amesema asilimia 37.42 ya watahiniwa wamepata daraja la kwanza hadi la tatu ikilinganishwa na asilimia 36.95 waliopata madaraja hayo mwaka 2022.

“Jumla ya watahiniwa wa shule 471,427 kati ya 527,576 wenye matokeo ambao ni sawa na asilimia 89.36 wamefaulu kwa kupata daraja la kwanza hadi la nne.

Waliopata daraja la kwanza hadi la tatu ni asilimia 37.42,” amesema Dk Mohamed. Kwenye matokeo hayo wapo watoto wa watu maarufu akiwemo Msemaji wa Yanga, Haji Manara ambaye kupitia mtandao wa Instagram ameandika;

"Well done My Young Boy Prince Hassan Haji, umeendelea kuipa heshma familia yetu na umenipa furaha sana Mwanangu, Ufaulu wako wa kidato cha nne umenipa mood nzuri,"

"Jana ilikuwa Siku nzuri sana kwangu,Nimemuoa Kipenzi changu Zaiylissa Buga, binti yangu Sayyidat Fatmah ilikuwa birthday na kidume kaniletea Division One ya ukweli,"

"Hongera Prince ila utambue ndio kwanza unaenda advance level (kidato cha tano na sita), safari yako ya kuisaka elimu ndio inaanza, nnalokuahidi ntakusomesha kwa kadri ntavyojaaliwa na nipo tayari kwa ajili yako ili utimize ndoto zako,"

Msanii wa Bongo Fleva, maarufu kama Baba Levo, amefurahishwa na matokeo ya kijana wake Levo, aliyepata one ya 13 kidato cha nne, akisifia kijana wake kafuata akili yake.

Kupitia mtandao wa kijamii Instagram, ameandika; "Hongera sana mwanangu Levo kwa kupata one ya 13 form four, umefata akili za mimi baba yako kabisa," mwisho wa kunukuu ambaye aliwahi kutamba na wimbo wake wa Ngongingo.

Kupitia mtandao huo wa Instagram, Dayna Nyange ameandika; "Ahsante sana mwanangu Rahma kwa ufaulu mzuri hakika mungu yu pamoja nasi, Dk Nyange mtarajiwa kabisaaa yaani leo I’m so so happy (nina furaha sana) and so proud of you my precious daughter Mungu akazidi kukutendea InshaAllah tukatimize malengo yetu, umenipa division one Kama ulivyo promise (ahidi) nakushukuru mama."

Bondia namba moja Tanzania, amewatoa shaka mashabiki wa ngumi kuwa pambano lake litapigwa na kuahidi kuwaonyesha uwezo na kutoa burudani.

Mwakinyo anatarajia kupanda ulingoni dhidi ya Mbiya Kanku wa Jamhuri ya Kidemokrasia ya Congo (DRC) katika pambano la mtata mtatuzi litakalopigwa Januari 27, 2024 katika Uwanja wa ndani wa New Amaan Visiwani Zanzibar.

Kauli hiyo imekuja baada ya kuwepo kwa taarifa kuwa huenda pambano hilo lililopewa jina la 'Mtata Mtatuzi' likavunjika tena, kwani kuna baadhi ya watu wamekuwa na nia mbaya humtumia ujumbe mpinzani wake wakimtaka asipigane ili pambano hilo livunjike.

Akizungumza na Wanahabari leo Januari 25,2024 bandarini Jijini Dar es Salaam wakati akijiandaa na safari visiwa vya Karafuu (ZANZIBAR) Mwakinyo amesema amejipanga kuonesha mchezo ambao wengi hawajahi kuuona huku, akiahidi kutoa burudani kwa mashabiki wake.

“Mpaka sasa kila kitu kipo katika ubora kuelekea pambano langu. Lakini kuna changamoto kidogo kwa upande wa promota na kwangu pia inani confuse lakini sioni kama ni taarifa mbaya kwangu kwa sababu mashabiki zangu wana hamu wanione nikipigana, kwa hiyo mwisho wa siku lazima nipigane.

“Kuna maneno ya kwamba wapo baadhi ya watu wanamtumia meseji mpinzani wangu ili asitokee kwenye pambano ili liahirishwe na nionekane kwamba ni kawaida yangu kuharibu mapambano.

“Lakini ambacho tumekubaliana na promota (Meja Selemani Semunyu) ni kwamba iwapo kitatokea kitu kama hicho basi tutacheza mimi na yeye ilimradi mashabiki zangu wafurahi.

“Wengi wanaotamani wanione nikipigana ni wale wapenda maendeleo na wapenda ngumi, lakini kuna vikundi vya watu wachache wapinga maendeleo wenye roho mbaya nadhani ndiyo wanataka hivyo. Wanawaza nguvu yangu itakuwa wapi baada ya mimi kushinda pambano hilo, ndiyo maana wanakosa usingizi.

“Mimi ni kijana ninayepambania ndoto zangu, nimejiandaa vizuri ndani ya pambano nan je ya pambano, niko vizuri kote kote, kila kitakachotokea nimejiandaa kukabiliana nacho,” amesema Mwakinyo.

Samuel Eto'o amewachana wachezaji wa Cameroon waliozaliwa ulaya;

Wadogo zangu wapendwa naelewa, wengi miongoni mwenu hamjazaliwa Cameroon wala hamjawahi kucheza vilabu vya Cameroon. Nyie mlizaliwa ulaya huko mna haki juu ya viongozi.

Mimi Cameroon ilinifundisha kwamba, napokuwa na timu ya taifa natakiwa kuwa mwanajeshi. Niwe tayari kukikabili kifo napopambania bendera.

Leo Cameroon inapitia fedhea sababu wachezaji wengi hawana upendo wa asilimia  kwa taifa hili. Niwieni radhi kwa kujiongelea mimi kama mfano.

Kwaajili ya upendo nilionao kwa nchi yangu, nilikuwa na uwezo wa kucheza mechi mbili kwa siku moja. Niliwahi kufanya hivyo, "Roger Milla" aliwahi kufanya hivyo, pia hata "François Omam Biyick."

Unafikiri Cameroon ilikuwa ikitulipa zaidi ya vilabu tulivyokuwa tukichezea?! Hapana. Kuichezea Cameroon tulikuwa hatupati hata 1/10 ya kile tunacholipwa sehemu nyingine.

Kufa ukiipambania nchi yako, thamani yake inazidi pesa yoyote katika ulimwengu.

"Manga Onguene" alivunjika mguu akiipigania jezi ya Cameroon. Huyu alikuwa mtu hatari wakati wake, alikuwa mchezaji bora kuliko mimi. Licha ya kuvunjika mguu na kutelekezwa lakini bado aliendelea kuipa heshima nchi yetu.

Kitu nachokiona, tulifanya makosa kuwakabidhi bendera watu waliozaliwa nje ya Cameroon. Uzalendo kwa taifa upo mbali na hisia za mioyo yao. Hawana DNA na udongo wa Cameroon. Lakini baada ya Afcon kila kitu kitabadilika.

Tutahakikisha tunafanya kipimo cha uzalendo kwa kila kijana kabla ya kumvalisha jezi ya nchi yetu."

Uongozi wa Klabu ya Young Africans umesema umeanza mchakato wa kutafuta timu za nje kwa ajili ya mechi za kirafiki itakayokiweka sawa kikosi chao katika kipindi hiki cha maandalizi kabla ya kuanza kwa michuano ya Ligi ya Mabingwa Afrika.

Mwishoni mwa juma lililopita Kocha Mkuu wa miamba hiyo ya soka nhini, Miguel Gamondi aliuomba uongozi wa timu hiyo kumtafutia mechi mbili za kirafiki na timu za nje ya Tanzania ili kujui uimara wa kikosi chake kabla ya mechi mbili za hatua ya makundi ya Ligi ya Mabingwa Afrika.

Mbali na hilo pia Gamondi anataka kuitumia michezo hiyo kuwatambulisha rasmi wachezaji wao wawili wa kimataifa waliowasajili kwenye dirisha dogo la msimu huu ambao ni Augustine Okrah na Joseph Guede.

Makamu wa Rais wa Young Africans hiyo, Arafat Haji amesema wameanza kutafuta timu hizo na anaamini mchakato huo hautachukua muda kukamilika sababu wana maelewano mazuri na timu nyingi katika ukanda huu wa Afrika Mashariki.

“Lengo letu ni kupata timu imara ambazo zitakipa kikosi chetu mazoezi mazuri kulingana na mashindano tunayoshiriki, ndio maana nikasema mchakato wa kuzisaka timu hizo umeanza na dhamira yetu ni kucheza mechi hizo tukiwa ugenini,” amesema Arafat.

Kiongozi huyo amesema malengo ya Young Africans msimu huu ni kufanya vizuri kwenye mashindano yote, hivyo kama viongozi wa juu wanapambana kuhakikisha wanampatia kocha wao kile alichokihitaji ili kumjengea urahisi wa kufanikisha kile ambacho wamekikusudia.

Kikosi cha Young Africans kimerejea kambini Avic Town wiki mbili zilizopita kujiandaa na mechi za Ligi ya Mabingwa Afrika, Ligi Kuu na Kombe la FA huku timu hiyo ikiwakOsa baadhi ya nyota wake waliopo kwenye timu zao za taifa zinazoshiriki Afcon 2023.